Jarduerak
Pablo Sorozabal Hari-Laukoterako Konposizio Lehiaketa Gipuzkoako Foru Aldundiak sortu zuen 1983an, musika garaikidearen sorkuntza sustatzeko eta XX. mendeko euskal konpositore handienetako bat omentzeko. Pablo Sorozabalek (1897–1988), zarzuelatik hasi eta musika sinfoniko eta ganberakorainoko lan oparoa eta anitza sortu zuenak, funtsezko erreferentzia izaten jarraitzen du Gipuzkoako eta Espainiako kulturaren eta musikaren historian.
Sortzaile gazteei bultzada eta proiekzioa emateko gune gisa proposatua, lehiaketa 36 urte arteko konpositoreei zuzenduta dago, talentu berriak sustatzeko eta hari-laukoterako errepertorioa aberasteko helburuarekin. Urtez urte, ganbera musikaren arloan erreferentziazko hitzordu bihurtu da, obra berriak sortzea bultzatuz eta haien hedapena sustatuz, eta maila handiko laukoteen estreinaldiak bermatuz. Irabazleak aitorpen instituzionala jasotzen du eta, horren bidez, musika garaikideko nazioarteko eszenan proiekzio handiagoa lortzen laguntzen du.
Luis Codera Puzo, Helga Arias Parra eta Francisco Domínguez Roblesek osatutako epaimahaiak erabaki du aurtengo edizioaren irabazlea Pablo Franchelli (Argentina, 1989) izatea, “Surcando un mar de sueños inmemorial” lanarekin.
Sariak Donostiako 87. musika hamabostaldian Quatour Béla taldeak egindako lanaren estreinaldia, XVII. Musikagileak Musika Garaikidearen Zirkuituan sartzea eta 3.000 €garbiko saria barne hartzen ditu.
